స్త్రీ శక్తి భవనాన్ని ప్రారంబించిన మంత్రి పల్లె

అనంతపురం - ఓబులదేవరచెరువు - మండల కేంద్రంలో వడ్డివారి పల్లి వద్ద నూతనంగా నిర్మించిన స్త్రీ శక్తి భవనాన్ని మంగళవారం రాత్రి రాష్ట్ర ఐటి, సమాచార, మైనార్టి మంత్రి పల్లె రఘునాథ్ రెడ్డి ప్రారంభించారు. ఆయన మాట్లాడుతూ టీడిపి ప్రభుత్వం రైతు, మహిళా రూణలు మాఫీ చేయడమే గాక ఇచ్చిన హామీలు నేరవేర్చినట్లు తెలిపారు. రాష్ట్ర విభజనతో నిధులు కొరతవున్నా, ముఖ్యమంత్రి చంద్రబాబు నాయుడు నిరంతరం ప్రజా సంక్షేమం కోసం శ్రమిస్తూ వున్నారు అని పేర్కొన్నారు. అనంతరం దిగువ పల్లిలో మంత్రి పల్లె నిద్ర చేసి దళితవాడలలో నెలకొన్న సమస్యలు పై స్పందించారు ఈ కార్యక్రమంలో డి.ఆర్.డి.ఎ వెంకటేశం, ఆర్.డి.ఒ రాజశేఖర్, డి.ఎస్.పి రామాంజనేయులు, ఎక్ష్-ఎం.ఎల్.ఎ అబ్దుల్ గని, జెడ్.పి.టి.సి పిట్ట ఓబుళ రెడ్డి, ఎం.పి.పి ఇస్మాయిల్, ఎం.పి.టి.సిలు శంకర్ నాయుడు, ఉషారాణి, ఇందిరమ్మ, తులసిబాయి, సర్పంచులు నాగిరెడ్డి, రంగారెడ్డి, కవిత, తదితరులు పాల్గొన్నారు. అంతక ముందు అమడగూరు మండలంలో తుమ్మల కొట్టువారిపల్లి గ్రామాలలో మంత్రి పల్లె గోపాల్ మిత్ర భవనాలు, చినగానిపల్లి చిన్నపానిపల్లిలో అంగన్వాడి భవనం, కసముద్రము, చెర్లోపల్లిలో సిసి రోడ్డు ప్రారంభించారు.