WBO ఆసియా పసిఫిక్ టైటిల్ ను కైవశం చేసుకున్న విజేందర్ సింగ్

ఢిల్లీ - స్పోర్ట్స్ - 30 ఏళ్ల భారత బాక్సింగ్ స్టార్ విజయేందర్ సింగ్ 10 రౌండ్లలో పద్దతి ప్రకారం 34 ఏళ్ల ఆస్ట్రేలియాకు చెందిన కెర్రీ హోప్ ను ఓడించి, వరుసగా ఏడవ విజయం అయిన WBO ఆసియా పసిఫిక్ టైటిల్ ను కైవశం చేసుకున్నాడు. భారతదేశం తరపున ఒలింపిక్ మరియు ప్రపంచ ఛాంపియన్షిప్ పతక విజేత అయిన హర్యానాకు చందిన విజయేందర్ సింగ్ 98-92, 98-92, 100-90 పాయింట్లు సాధించి ఏకగ్రీవంగా విజేతగా గెలిచి, ప్రొఫెసినల్ కెరీర్ ఆరంభం అయిన సంవత్సరంలోనే 7 టైటిల్స్ సాధించాడు.

కాంగ్రెస్ లీడర్ రాహుల్ గాంధీ, మహిళా బాక్సర్ ఎమ్.సి. మేరీకామ్, స్టార్ రజ్లర్ యోగేశ్వర్ దత్, క్రికెటర్లు వీరేంద్ర సెహ్వాగ్, యువరాజ్ సింగ్, సురేష్ రైనా నటుడు రణదీప్ హుడాతో సహా ప్రముఖులు ముందు వరుసలో కూర్చొని బిగ్గరగా చప్పట్లు కొడుతూ అభినందిస్తుండగా, ఎవరిని నిరుత్సాహపరచకుండా తన మేటి ప్రదర్శనతో 10 రౌండ్ల ఉత్కంట మ్యాచ్ ని గెలిచాడు.ఈ విజయం వెనుక నా ప్రమోటర్, కోచ్, టీమ్ కృషి చాలా ఉంది, వారికి కృతజ్ఞతలు. అలాగే ఈ బౌట్ చూడటానికి వచ్చిన అభిమానులకు, ప్రముఖులకు మరియు క్రీడాకారులకు ధన్యవాదాలు అని విజేందర్ అన్నాడు.

ఇది అపారమైన శక్తి సామర్ద్యాల నైపుణ్య ప్రదర్శన అని ప్రధానమంత్రి నరేంద్రమోదీ ట్విట్టర్లో ప్రసంశించారు.