ఆస్ట్రేలియన్ ఓపెన్ టైటిల్ 2016ను కైవసం చేసుకున్న సైనా నెహ్వాల్

అంతర్జాతీయం - స్పోర్ట్స్ - లండన్ ఒలింపిక్స్ కాంస్య పతక విజేత సైనా నెహ్వాల్ గంటా పదకొండు నిముషాలు ఉత్కంటంగా సాగిన హోరాహోరి ఫైనల్ మ్యాచ్ లో చైనా క్రీడాకారిణి సన్ యూ పై (11-21, 21-14, 21-19) గెలిచి ఆస్ట్రేలియన్ ఓపెన్ టైటిల్ 2016 సొంతం చేసుకుంది. అంతకు ముందు థాయిలాండ్, చైనాకు చెందిన మాజీ ఛాంపియన్లు వరుసగా క్వార్టర్ ఫైనల్, సెమీఫైనల్లో ఓడించి ఫైనల్ చేరుకుంది. సైనాకు ఈ విజయం రియో ఒలంపిక్స్ కు చాలా ప్రేరణగా నిలుస్తుంది.

నీ క్రీడా విజయాలతో దేశం యావత్తూ గర్విస్తోంది అని ట్విట్టర్ లో ప్రధానమంత్రి అభినందించారు. తెలంగాణ ముఖ్యమంత్రి కె.చంద్రశేఖర్‌రావు, సినీ నటుడు అమితాబ్‌ బచ్చన్‌, సచిన్‌ తెందుల్కర్‌, శిఖర్‌ధావన్‌, వీవీఎస్‌ లక్ష్మణ్‌ తదితరులు సైనాకు శుభాకాంక్షలు తెలిపారు. రియో ఒలింపిక్స్‌ లో మంచి ప్రదర్శన కనబరచాలని ఆకాంక్షించారు.